“The Family Profit and Loss Equation : Spend Time, Gain Love”

અત્યારે આપણા દરેક ના જીવન માં એક “કોરોના” રૂપી વાઇરસ નો કાળ વરસી રહ્યો છે. આખી દુનિયા આનો શિકાર બની છે ત્યાં આપણા દેશ માં પણ હવે આ વાઇરસે એનો કાળ દેખાડવાનું ચાલુ કરી દીધું છે. પણ આપણા પ્રધાનમંત્રી જી એ કાલે એમની સ્પીચ માં બધા ને સાંત્વના આપી છે કે કોઈને ગભરાવાની ની જરૂર નથી. જેટલો સાથ આપણે એમને આપીશું એટલું જ એ સારી રીતે એમનું કામ કરી શકશે.

અત્યાર ની પરિસ્થિતિ ને ધ્યાન માં રાખીએ તો દરેક જગ્યા એ લોકો વાત કરતા હશે કે કેટલી ઈકોનોમી નીચે આવશે. ખુબ જ નુકસાન થાય છે દુનિયા માં. પણ આપણે નફા અને નુકશાન ને એક જ રીતે વિચારીએ છીએ.

જીવન માં પળે પળે નફો-નુકશાન થતો હોય છે. નફો-નુકશાન એટલે માત્ર રૂપિયા નો જ હોય એવું જરૂરી નથી નફો-નુકશાન એટલે ખુશી, સબંધો , દુઃખ, મિત્રો, પરિવાર ઘણા બધા સ્વરૂપે હોય છે. શું જીવન માં નફા-નુકશાન ની વાત આવે ત્યારે માત્ર રૂપિયા થી જ એને જોડવા માં આવે એ સાચી વાત છે? ના, એવું જરાય ના હોવું જોઈએ. રૂપિયા નું નફા-નુકશાન તો હોય જ છે પણ જોડે જોડે જીવન ના એવા કેટલાય પાસા હોય છે જ્યાં તમને રૂપિયા ના નુકશાન ની સામે કેટલાક એવા નફા પણ મળે જેને તમે કદાચ રૂપિયા માં બદલવા જાઓ તો તેની સામે કરોડો રૂપિયા પણ ઓછા પડે માટે નફા-નુકશાન ને રૂપિયા સિવાય બીજા જીવન ના એવા પેહલું ઓ સાથે એને જોડો કે જે તમારા જીવન માં બહુ જ જરૂરી છે. આપણે દરેક વિશે આગળ વાત કરીએ.

આપણા દેશ ની જન સંખ્યા ૧૩૮ કરોડ છે. ૧૩૮ કરોડ માં એવા કેટલાય લોકો છે જેમની પાસે રૂપિયા ની કોઈ ખોટ જ નથી પણ એ રૂપિયા શું કામના? ક્યારેક એમના પરિવાર જોડે જઈને એમના પત્ની, મમ્મી-પપ્પા અને બાળકો જોડે વાત કરી કે એમના પતિ, છોકરો, કે પપ્પા એમની સાથે કેટલો સમય પસાર કરે છે. એમાં કોઈ શંકા ને સ્થાન નથી કે એ લોકો જે મેહનત કરે છે એ લોકો માટે જ કરે છે. એમના પરિવાર ની ખુશી ઓ માટે જ એ આટલી મેહનત કરતા હોય. એમની જોડે એવી સુખ સાહિબી હશે જે અમુક પરિવાર કદાચ એમના સપના માં પણ નઈ જોતા હોય. એ માણસ ને પૂછવું કે એ કેટલી ચિંતા માં હોય છે રાત્રે સરખી રીતે ઊંઘી પણ નઈ સકતો હોય, પણ એમના માટે આ બધું કદાચ રોજ નું થઇ ગયું હોય એટેલે એમને આ બધી વસ્તુ થી કદાચ ફરક ના પડતો હોય……… જો રૂપિયા ની દ્રષ્ટી થી જોઈએ તો એ લોકો ખુબ જ સુખી છે અને નસીબદાર પણ છે. પણ આપણે અહિયાં વાત કરીએ છે એમ રૂપિયા સિવાય થોડું અલગ વિચારીએ તો રૂપિયા માં એમનો નફો ૧૦૦% હશે પણ જરાક એમને પૂછીએ કે તમે તમારા પરિવાર એટલે કે મુમ્મ્ય-પપ્પા ની કેટલી સેવા કરી, તમારી પત્ની જોડે બેસી ને કોઈ દિવસ એકલા શાંતિ થી પ્રેમ ની વાતો ક્યારે કરી કે એમને બહાર ક્યારે લઇ ગયા, તમારા છોકરાઓ જોડે મસ્તી ક્યારે કરી એમના બાળપણ ની ખુસી માં ક્યારે સહભાગી થયા, કેવાય છે ને બાળપણ એક એવી વસ્તુ છે જેને માણસ જીવનભર યાદ રાખે છે અને વિચારે કદાચ એ બાળપણ ના દિવસો ફરી પાછા આવી જાય…. બાળપણ માટે ખુબ સરસ કેવાય છે કે …..

“Childhood is not a race,

it’s a journey.”

ત્યારે એ માણસ પાસે એક જ જવાબ હશે “Time” કે કામ માં એટલો બધો વ્યસ્ત હતો કે મને સમય જ ના મળ્યો. પણ ત્યારે એ માણસ ને પૂછવાનું કે તમારા માં બાપે જો તમને સમય ના આપ્યો હોત તો તમે અત્યારે જ્યાં સુધી છો ત્યાં પહોચી શક્યા હોત? તમે રૂપિયા પણ તમારા પરિવાર માટે જ કમાવો છો એમાં કોઈ શંકા નથી પણ રૂપિયા ની સાથે સાથે તમારા પરિવાર ને તમારી પણ જરૂર હોય છે એ તમે તમારા કામ માં નજરઅંદાજ કરો છો. તમને રૂપિયા નો નફો થાય પણ તેની સામે તમને કેટલા બધા નુકશાન થાય એ તમે જોઈ જ શકો છો. અને આ બધા નુકશાન તમાતા નફા કરતા તો વધારે જ નહિ જ હોય. અને આ બધા નુકશાન એ કોઈ જ ધ્યાન માં લેતું નથી.

તમે સામાન્ય કોઈ પણ માણસ ના જીવન માં જોશો તો તમને લાગશે કે એમના જીવન માં ભલે રૂપિયા નું એટલું સુખ ના હોય પણ એમના જીવન માં બીજા ઘણા બધા નફા થતા હોય છે એ તમને જાતે જ ખબર પડશે. સાચા અર્થ માં તો જીવન એ લોકો જ જીવે છે. જે લોકો ખાલી રૂપિયા નું જ મહત્વ જોતા હોય છે એ લોકો ખાલી અઠવાડિયા માં એક દિવસ પોતાના પરિવાર ને આપીને જુઓ, ભલે તમને એક દિવસ ના રૂપિયા નું નુકશાન દેખાશે પણ એની સામે તમને તમારા માં-બાપ, પત્ની, છોકરા ઓ ના ચેહરા પર જે ખુશી જોવા મળશે શું એ તમારા માટે કોઈ નફા કરતા ઓછું છે? અને કેહવાય છે ને જીવન માં માણસ પોતાના અનુભવ થી જેટલું શીખે એટલું વધારે આગળ આવે, તો આ અનુભવ પણ જાતે જ કરી જુઓ અને અનુભવ કર્યા પછી જો તમને લાગે તો અઠવાડિયા માં એક દિવસ તમારા પરિવાર ને જરૂર થી આપજો.

અત્યારે આ “કોરોના વાઇરસ” ના પગલે સરકારે ૨૧ દિવસ ઘર માં રેહવાની અપીલ કરી છે. તો તમારી પાસે ૨૧ દિવસ નો સમય છે આ વાત ને સમજવા માટે. તો આ વાત ને ધ્યાન થી વિચારજો અને કોરોના નો કહેર પતે પછી આનો અમલ કરજો પણ કોરોના નો નિકાલ ના થાય ત્યાં સુધી સરકાર ને સાથ સહકાર આપો અને તમારા ઘર માં જ તમારી જાત ને બંધ કરી ને પરિવાર સાથે સમય વિતાવો અને સરકાર ને સહકાર આપો.

Fight With COVID_19

LOckDoWN YoUR SelF